🇧🇾 «ИННОПРОМ. Беларусь 2026» халықаралық өнеркәсіптік көрмесіне қатысуға өтінімдер қабылдау басталды 30 қыркүйек пен 2 қазан аралығында Минск қаласында «ИННОПРОМ. Беларусь» халықаралық өнеркәсіптік көрмесі өтеді. Көрме өнеркәсіптік кооперацияны, технологияларды және халықаралық ынтымақтастықты дамытуға арналған алаңға айналады. Astana Hub ҚР Цифрлық даму, инновациялар және аэроғарыш өнеркәсібі министрлігімен бірлесіп, Қазақстанның ұлттық павильоны құрамында көрмеге қатысу үшін қазақстандық IT-компанияларды іріктеуді жүргізеді.